Pulang sekolah, Obet merengek mo singgah di SBM. De bilang, mo naik tangga berjalan. Maklum, satu-satunya tangga berjalan (eskalator) di Merauke cuma ada di SBM.
Sampe di atas begini, di tempat orang jual baju, de lihat-lihat beha…. bukan cuma lihat, de perhatikan betul-betul, de pegang-pegang lagi itu beha warna warni deng macam-macam ukuran. De pu mama so rasa tidak enak lagi lihat obet pegang-pegang beha… de juga tra habis pikir, ini anak ada pikir apa….
Jadi de tegur: “Obet ko bikin apa di situ…..?”
Obet de jawab: “Mama…. sekarang sa baru kelas 5. Sa nanti belajar baik-baik, sampe sa lulus SD, trus masuk SMP, SMA, kuliah…. sampai sa lulus….. Baru nanti sa mo jadi pegawai negeri, punya uang… nanti sa beli Mama beha……”
Mama de air mata langsung meleleh……….
